মুখ্য পৃষ্ঠা
06/04/25
14:26
"ঋতুৰ সুখ , বুকুৰ অসুখ"
তোমাৰ পদূলিত যিপাহ খৰিকাজাই ফুলে
তাৰ সুগন্ধ মোৰ বুকুলৈ বিয়পে ।
বসন্তৰ বতৰা নৌ পাওঁতেই
মোৰ পদূলিৰ তামোল জোপাৰ
কপৌ ফুলৰ পাহি বোৰ সৰিছে ।
ফাগুনৰ ঈৰ্ষাত জ্বলা আকাশ খনত
মৌপীয়া চৰাই এহালে গগন ফালিছে
সেউজীয়া বোৰ এতিয়া নাই
খৰিকাজাই ফুল পাহিও সৰা নাই
সুকুমল মদাৰৰ দলিচাত
বৰষুণে ৰং দিয়া নাই ।
ঋতু মোৰ জীৱনৰ আয়ুস ৰেখা
দুখ হেমন্তৰ হেঙুলীয়া সন্ধ্যা
খৰাং নদীৰ বালিচৰত সুখৰ ঐনিতম
ৰূপুৱালী মাছ জনী হৈ ,
তুমি ঋতু বগাই আকৌ নাহিবা
খৰিকাজাই ফুল পাহি
বসন্তলৈ থাকে বা নাথাকে !
© ৰাজু কলিতা
26-02-15
